إازاى تكون أب روش طحن مووووووووووووووت ؟؟

فن مخاطبة الأطفال موضوع يحتاج بالفعل لمؤتمر وجلسات عمل لأن العيال الأيام دي محتاجة طريقة حوار وتعامل غير اللي اتربينا عليها زمان العيال الأيام دي وصلوا والعالم مفتوح على بعضه مش زينا اللي اتربينا على القناة الأولى والتانية بالتيلة ..خلاص مينفعش تقول للعيل دلوقتي العصفورة قالت لي وفتنت عليك والحوارات التعبانة دي

عصفورة إيه وهو بيفهم في الموبايل بتاعك أحسن منك

ومينفعش تخوف العيل بأبو رجل مسلوخة لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال اللى زيك .مينفعش تعاقبه بأنك تأومه من أودام فيلم بيحبه وبيتفرج عليه ...

لأنه هايشوفه تاني يوم على نفس المحطة الصبح وإنت في الشغل ويخليك زي قرطاس اللب أو كيس الجوافة عايز تعاقبه ، نزل له فيروس على الجهاز بتاعه ودمر له الوندوز وقول له الجهاز مش هايتفرمط ويتعمل له ست أب من أول وجديد ألا لما يتعدل ويشوف مذاكرته و يبقى محترم وبني آدم.[/ولما تعوز تدلعه وتكافؤه على تفوقه مينفعش تجيب له بندقية صيد وكورة وكتب م المكتبة الخضراء والجو القديم ده كله
تجيب له (دي اس ال) ، ممكن تظبطه بويب كام جامدة ، تدخل علية (بسكانر) جديد مثلاً .
مينفعش لو أبنك سألك عن حاجه منتش عارفها تألفله أي أجابة من دماغك ، لأنه بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688 لما يسألك ...أقعد معاه ع النت ودور معاه ع الأجابة المظبوطة و بلاش قلة قيمة و أوعى تفهم الواد إن الرياضة هي أهلي وزمالك ، بلا نيلللللا.. على رأى ماري منيب لأنه دلوقتي عارف لعيبه ريال مدريد والأرسنال وعارف أسعارهم كمان .وإذا طلب رأيك في أكلة دليفري م اللي بياكلوها الأيام دي
اوعى تقول له: يعني أيه دي لأ خليك أب روش هز دماغك وقول له.. حلوة طحن ياااد

وحاجات كتير تقدر تروش بيها على ولادك وكده يحبوك على طول