يا اللي انت مسؤول عن رضانا وحقنا يا اللي انت مسؤول عن شقانا وسعدنا
يا اللي احنا ابناءك وانت ولينا دا احنا انتخبناك بإخلاص مننا
مرت علينا سنين طويلة في شظف بمرتبات ما تكفي حتي نصنا
شقا وهموم وعيشة ناشفة مجلدة ورغم ذلك احنا حامدين ربنا
لكن توالي الفقر والجوع والبلا كل الهوا والريح دا أصبح ضدنا
كل السلع أسعارها طلعت في السما وأصبحت أكتر كتير من دخلنا
والدنيا صارت فوضي ويا البلطجة وما حد عنده حمل لهمنا
والمحسوبين بلعوا البلاد في كرشهم ظلماً بحكم الافترا والهيمنا
حتي أراضي الدولة راحت كلها للموعودين منهم ونابنا العكننا
والدعم دا بنشوفه واضح عالورق يدخل جيوب الصفوة غصباً عننا
ياسيدي أرجوك أن تنظر لنا وخد ثوابك والجزاء من ربنا
موضوع: رسالة من مواطن مصري إلي رئيس جمهوريته 
الأحد أغسطس 31, 2008 9:15 am
