كيف تقتل بطل أوليمبي!!!!!!!!!!

1-

حط قدامه كل عراقيل الدنيا ولا تطلعه بطوله ولا توفرله إحتكاك

.مش بطل ..خليه يشرب

2-

إكسر نفسه و إكسر دماغه و إكسر مناخيره علشان مايجيلوش زكام

مش عامل فيه نجم يبقى يقابلنا بأه

3-

لو حسيت إنه هيبتدي يتغر سيبه برااااااحته لحد ما يبوظ نفسه بنفسه لا تعالجه نفسي و لا تتفاهم معاه و لا تقربله

والا فاكرينني مستر مياجي و هاطلعلكم فتى الكاراتيه؟

4-

إركنه ع الرف لما يترب..خليه في كوزة لما نعوزه..لسه أرررربع سنين لحد الأوليمبيكيات الجاية ..مش فاضينله دلوقتي خلينا في إبراهيم سعيد

والا فاكر نفسه اهم من الأهلي و الزمالك و الشرقية للدخان

أقولك

إختصارا لكل الكلام

لو عايز تقتل بطل أوليمبي

ماتتعبش نفسك و تفكر كتير

هاتهولنا على مصر

و إحنا هنقتلهولك بإيدينا و بعدين نمسحها في العلم

و كل تمثيل مشرف و انت طيب يا كابتشن