من له القرار ...الخطيب ام الاهل ؟؟؟

اغلبنا شباب و بنات فى سن الزواج و اكيد فينا ناس مخطوبة او متزوجة
و كل خطيب بيتقدم للخطبة بيكون بمثابة شريك للزواج فى المستقبل
و احترامه و تقديره واجب و لا بد منه .

هل للخطيب حقوق على خطيبته مثل الاهل اثناء فترة الخطوبة
بمعنى هناك اشخاص بتعتقد ان الخطيبة ملك له و هو الوحيد اللى
له الحق فى التصرف فى حياتها و توجيها و لومها لانها فى حكم
زوجة المستقبل و هنا بيحصل الصدام الكبير بين راى الخطيب
و راى الاهل الكل معتقد انه الوحيد اللى من حقه التدخل فى شئون
البنت و التصرف فى حياتها .

اهلها بكونهم العيلة و الحق لهم فى تربية بنتهم و اعطائها الحق بالموافقة
او الرفض على اى تصرف لها و الخطيب ايضا معتقد هذا لكونه مسئول عنها
طب هو هنا المفروض مين اللى له الحق فى التدخل فى شئون البنت
و توجيها و الاعتراض عليها او الموافقة على اى تصرف .

بنلاقى البنت دايما محتارة و موش عارفة ترضى مين هل تسمع
كلام خطيبها بحكم انه له حق عليها و زوجها فى المستقبل .

ولا تسمع كلام الاهل بدافع الحب و الاحترام لانهم هما الوحدين اللى
لهم حق فى التصرف و التدخل فى شئون بنتهم و بحكم انهم هما اللى ربوها .

و نلاقى البنت تايهة بين الاثنين الخطيب مثلا موش هتخرجى انهردة ولا تروحى الزيارة
دى و الاهل لا عيب دة واجب لازم تخرجى معانا و تبدا سلسلة من الخناق
مين فيهم يفرض سيطرته على التانى .

الخطيب بدوره انه الرجل المتصرف فى حياة شريكته و انها جزء منه
و انه هو فقط اللى يحدد لها طريقها و الاهل بحكم انها لسة بداخل بيت
العيلة و انها لما تتنقل لبيت الزوجية وقتها فقط يقدر يمارس الخطيب
حقوقه فى التدخل و تحديد مصير البنت .

لو البنت سمعت كلام اهلها و نفذت طلباتهم هنا بيعتبرها الخطيب اهانة
لكرامته لان خطيبته موش بتحترمه ولا بتسمع كلامه و لو سمعت كلام
خطيبها بيعتبرها الاهل انها بنت عاقة و بتفضل ترضى خطيبها على حساب
طاعتها ليهم و برها باهلها .

يا ترى المفروض فى فترة الخطوبة الراى الاول لمين؟؟؟

و مين اللى له الحق فى الموافقة و الرفض على حياة البنت ؟؟؟

سؤال يطرح نفسه !!!