عمار يا إسكندرية

كل سنة و إنتم طيبيين بمناسبة المدارس و العيد و
( موسم الشتاء ) اللي أصبح له طابع خاص خلال السنوات الأخيرة بالذات في الأسكندرية .

فرغم إن الشتاء في إسكندرية بيبقي فيه هدوء وسحر ورمانسية ...

لكن للأسف إنه مع أقل شوية مطر الشوارع بتغرق و نلاقي الأسفلت أختفي و ظهرت مياة المجاري الجوفية بروائحها الكريهة ...

تسألوني لماذا؟؟

اللي من إسكندرية ( زي حالاتي )عارف الكلام دة
إسكندرية منذ 6 سنين تقريباً والبنية التحتية لشبكة الصرف الصحي من سئ إلي أسوأ..!!!
فضايح و خراب وتكسير و خلافه دون سبب مقنع مع إن إسكندرية تعتبر العاصمة التانية لمصر !!!

المحافظ السابق اهتم بالمظهر الخارجي والكورنيش والمناطق السياحية وترك البنية التحتية لشبكة الصرف الصحي كما هي منذ اكثر من 50عام بلا تجديد ولا إصلاح ولا حتي إحلال!!!

موظفوا وعمال الصرف الصحي معذروين ومعهم كل العذر ماذا سيفعلوا تجاه هذه الكارثة؟؟!!

حتي المناطق الراقية اللي متوسط أسعار الوحدات السكنية بها تتعدي 150 الف وطالع لا تسلم من المجاري و مياه الصرف الصحي التي تملئ الشوارع الرئيسية ...

دة غير التكسير اللي في كل حتة ولا كأنهم بيطلعوا بترول ...!!!!!

و عمار يا إسكندرية